“Atsolorra, euskal jaiotza-erritua. Ereñotzun jasotako testigantzak” izeneko artikulua argitaratu du Idurre Lekuona Antzizarrek Uztaro aldizkariaren 109. alean. Euskal Filologian zein Gizarte eta Kultur Antropologian lizentziatua da Lekuona. Kazetaritzan eta komunikazioa esparruetan ibilia da, baina nagusiki euskara-irakasle aritu da sareko hainbat euskaltegitan. Gaur egun ere irakasle dihardu.
“Komunitatea hats-bahiturik. Hiztunaren trauma: diagnosia eta paliatiboak” liburua argitaratu berri du Ainize Madariaga Muthularrek UEUrekin. Gizarte Antropologian lizentziatua da Madariaga eta Berria egunkarian egiten du lan. Bukatu berri den Sarako Idazleen Biltzarrean aurkeztu du liburua.
Iazko urte amaieran “Matematikaren didaktika. Estatistika eta geometria Lehen Hezkuntzako irakasleentzat” liburua argitaratu zuen UEUk. Jaione Abaurrea Larraioz eta Aitzol Lasa Oiarbide Matematikaren didaktikako (NUP) irakasleak dira liburuaren egileak.
UPV/EHUrekin koedizioan “Giza histologia medikoa” argitaratu du UEUk. Edurne Alonso Arana eta Iker Badiola Etxaburu irakasleek atondu dute eta aurretik argitaratutako “Giza histologia orokorra” liburuaren jarraipena da. Atlas Digital bat ere sortu da liburuaren osagarri moduan.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
