Liburua

III. Ikergazte. Nazioarteko ikerketa euskaraz. Kongresuko artikulu bilduma. Ingeniaritza eta Arkitektura

Egilea(k):
Olatz Arbelaitz Gallego, Urtzi Etxeberria, Ainhoa Latatu Nuñez, Miren Josu Omaetxebarria Ibarra
ISBN:
978-84-8438-686-5
SHU:
06
Argitalpen-urtea:
2019
Gaiak:
Ingeniaritza, Arkitektura
Jakintza-Arloak:
Ingeniaritza, Arkitektura
Argitaletxea:
UEU
Orrialde kopurua:
163
UEUren helburu garrantzitsuenetako bat izan da euskal komunitate zientifiko-intelektuala trinkotzea. Elkarren berri izatea ezinbestekoa da ezagutzak aurrera egin dezan, are gehiago gure kasuan, euskaraz lanean dihardugun ikertzaileak hain sakabanatuta egonda.ldo
horretatik, UEUk hainbat arlotako adituak bildu izan ditu zenbait ekimenetan azken hamarkadetan: Informatikari Euskaldunen Bilkurak (11 edizio) Historialari Euskaldunen Topaketak (5 edizio), Hizkuntzalari Euskaldunen Bilkura (3 edizio), Matematikari Euskaldunen Bilkura (3 edizio),Osasun Zientzietako eta Natur Zientzietako ikertzaileen bilkurak (3 edizio), besteak beste, horrenadibide argiak dira. Pozik esan dezakegu ikertzaile euskaldunak inoiz baino gehiago direla, baina tamalez, haien arteko ezagutza urria da oraindik. Hutsune horretaz jabetuta, 2010. urtean ezagutza-alor guztiak bilduko zituen kongresu baten ideia sortu zen UEUn, eta 2015. urtean Ikergazte lehen kongresua antolatu genuen, Durangon. 2017an bigarrena egin genuen, Iruñean, Nafarroako Unibertsitate Publikoarekin elkarlanean. Apustu oso handia da UEUrentzat ikerketa eta euskara lotzen duena, baina egin behar dugula sinesten dugu. Horri aurre egiteko azken urteotan bidelagun ezin hobeak izan ditugula esan behar dugu. Izan ere, kongresuaren edizio berri honek ondoko bidaide eta babesleak izan ditu: IKER euskara eta euskal testuen ikerketa-zentroa (IKER UMR54), Paueko eta Aturri Herrialdeetako Unibertsitatea (UPPA),  UPV/EHU, Baionako Udala eta Udalbiltza. Ekimena sostengatzen dute gainera, ondoko unibertsitateek ere: Nafarroako Unibertsitate Publikoak, Mondragon Unibertsitateak, Deustuko unibertsitateak eta Nafarroako Unibertsitateak. Beste laguntzaile hauek ere izan ditugu: Euskararen Erakunde Publikoa, Euskal Hirigune Elkargoa, Euskal Kultur Erakundea, Eusko Ikaskuntza eta ESTIA. Seaska eta Ikas Euskal Pedagogia Zerbitzuak ere gertutik jarraitu dute egitasmoa.

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea