Hezkuntza izan al liteke askea eta naturala? Zer mundutan bizi gara, eta zeintzuk dira hezkuntzaren erronkak mundu honetan? Zeintzuk dira gure garaiko arazo sozial nagusiak, eta zer egin dezake hezkuntzak horien aurrean? Hezkuntza zer da, erreprodukzio edo eraldaketa sozialerako tresna? Hezkuntza eskola bakarrik al da? Zer esan genezake gizarteratze-agenteei buruz: familia, lagun taldeak, pantailak? Hezkuntzan lan egin behar dutenek zergatik aztertu behar dute ekonomia ere? Hezkuntzak jarduera politikoa edo neutrala izan behar du? Zer egin daiteke hezkuntzatik migrazio-mugimenduek sortzen dizkiguten erronken aurrean? Eta genero-ezberdintasunen aurrean? Nolako curriculuma behar dugu? Zein da hezitzaile profesionalen rola gaur egun? Hezkuntza-instituzio gehiegi ote dago? Galdera horiei erantzuten saiatuko da liburu hau, hezkuntzan lan egin nahi dutenei edo hezkuntzan interesatuak daudenei zenbait pista interesgarri emanaz. Soziologiak hezkuntzaren azterketa zientifikoari eginiko ekarpen nagusiak jasoko ditugu, eta hezkuntza-gizartea harremana aztertuko dugu.
Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.
Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...
P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.
Aitzindari hura gogoan, UEUk bere liburutegi digitalari Buruxkak izena jarri dio
