Liburua

Fisika orokorra (2. argitalpena)

Egilea(k):
Jose Ramon Etxebarria Bilbao
ISBN:
84-8438-045-9
SHU:
53
Argitalpen-urtea:
2003
Gaiak:
Fisika
Jakintza-Arloak:
Fisika eta Astrofisika
Argitaletxea:
UEU
Orrialde kopurua:
642

Hamaika urte pasatu dira Fisika Orokorra liburuaren lehenengo argitalpena egin zenetik, eta poztasunez esan dezakegu argitalpen hura erabat agortu dela. Poztasunez diogu, orduko lana zabaldu egin delako. Zabaldua eta erabilia izan da fisika-gaietan lan egiten duen erkidegoan, irakasle, ikasle eta ikertzaileen artean, eta, zalantzarik gabe, bere arrastoa utzi du euskarazko irakaskuntzaren arloan. Horrela, fisika-gaietan erabiltzeko moduko eredu linguistikoa finkatu da urte hauetan.


Nolanahi den, zenbait berritasun dakartza bigarren argitalpen honek. Batetik, bidezkoa denez, lehenengo argitalpeneko akatsen zuzenketa egin dugu. Bestetik, euskara bera eguneratu dugu; izan ere, azken urteotan Euskaltzaindiak hainbat erabaki hartu ditu euskararen estandarizaziorako bidean, hala nola araugintza berriko erabakiak eta Hiztegi Batuko zerrendak, besteak beste. Horiek guztiak hartu ditugu kontuan testuaren orrazketa eta zuzenketa egitean. Azkenik, liburuaren formatuari eta aurkezpenari dagozkien zuzenketaz eta berregituraketaz arduratu gara; horretaz, kontuan izan dugu UEUren argitalpen-zerbitzuaren eboluzioa, eta oraingo bildumen araberako aurkezpen eta egokitzapena egin ditugu. Zernahi gisaz, errespetatu egin ditugu aurreko argitarapeneko irudiak, eta zuzen-zuzenean ekarri ditugu argitalpen honetara. UEUko Fisika Saileko kideek pozez aurkezten dugu liburu zaharberritu hau, aurreko hamaika urteotan bere emaitzak eman dituenak beste hamaikatan ere emango dituelakoan.

 

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea