Liburua

Euskara kolokialaren eskuliburua

Egilea(k):
Asier Larrinaga Larrazabal
ISBN:
978-84-8438-761-9
SHU:
81
Argitalpen-urtea:
2020
Gaiak:
Euskara, Euskara kolokiala, Hizkuntzalaritza
Jakintza-Arloak:
Hizkuntzalaritza
Argitaletxea:
Orrialde kopurua:
206

Orain dela mende erdi nork esango zuen euskara hain eroso eta egokiro moldatuko zela eremu formalean. Egunero ekoizten diren testuek nabarmen egiten dutenez, euskara gure inguruko hizkuntzak bezainbat bada administrazioan, irakaskuntzan, jakintzan, teknologian eta hedabideetan, eta zailtasunak —nork esango zuen!— eremu ez-formalean, erabilera kolokialetan igartzen dira, euskararen normalizazioaren egungo erronka handietako bat izateraino. Eskuliburu honek erronka horri heltzen laguntzeko euskarri bat izan nahi du, edozein euskaldunentzat baliagarria, batik bat irakasleentzat eta idazle, gidoilari, itzultzaile eta sorkuntzaren arloko gainerako hizkuntza-erabiltzaileentzat. Eskuliburuak bi zati ditu. Lehenean, euskara kolokiala zer den azaltzen da, eta euskara kolokialaren hizkuntza-ezaugarriak deskribatzen dira, ahoskeratik hasi eta hitzen erabileraraino. Bigarren zatia hiztegi bat da, euskarazko hitz arruntak, hala nola mozkor, azkar, aurpegi edo deitu, lagunarteko hizketan beste era batean esateko aukerak eskaintzen dituena. Eskuliburuaren lehen zatian zein bigarrenean jasotako gehiena EITBn azken hogei urteetan egin den hizkuntza-lanketaren maitza da.

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea