Osagaiz 1.1 (2017)

Listeria, haurdunaldirako desafioa?

Egilea(k):
Maialen Olazabal Loyola, Nerea Marin Lacarta, Arantza Lekuona Artola
Gaiak:
Listeria, Haurdunaldia, Prebentzioa
Orrialdeak:
14
Zenbakia:
1
Argitalpen-urtea:
2017
SHU:
61
Deskargatu
Osagaiz-en ikusi

Laburpena:

Azken urteotan, Gipuzkoan, listeriosiaren intzidentziaren igoera esanguratsua atzeman da. Arrisku-taldeen artean, haurdun dauden emakumeak aurkitzen dira. Transmisio-bide ohikoena helduetan, kutsatutako elikagaien bidezkoa da, eta fetuaren eta jaioberrien kasuan, berriz, transmisio bertikala (plazenta edo erditze-kanalean zehar). Kasuen erregistroa Ingurumen Ikerkuntza eta Osasun Publikoko teknikariek egin dute eta laginen azterketa molekularra Donostia Ospitaleko Mikrobiologia Zerbitzuan eta Mikrobiologia Zentro Nazionalean egin dira, PFGE teknika erabiliz andui ezberdinakisolatzeko. Aldi berean, Gipuzkoan izandako azken urteotako listeriosi kasuen bilaketa klinikoa eginez, zehaztu ahal izan da zein izan den haurdun eta jaioberrien kasuen ezaugarri eta bilakaera. 2008-2014 urte bitartean, Gipuzkoan 73 kasu berri jakinarazi ziren, eta horietatik 52, 2012-2014 urte bitartean. Urte horietako kasuen informazio kliniko eta mikrobiologikoak aztertu dira lan honetan. 2013. urtean, 22 kasurekin, azken 10 urteetako intzidentzia hirukoiztu zen. Urte horretan, haurdun eta jaioberriak arrisku-taldeen % 50 izan ziren (9 kasu).Haurdunaren infekzioa detektatzea zaila izan liteke, sintoma inespezifikoak eragiten ditu-eta (digestio-aparatuarekin lotutako sintomak eta sukarra), baina umekiarengan ondorio kaltegarriak izan ditzake (abortu septikoa, goiztiartasuna). Lan honetan aztertutako kasu gehienetan haurdunak sukarrarekin agertu ziren eta kasu gehienetan erditze goiztiarra gertatu zen. Kasuen banaketa eta ezaugarriak ezberdinak izan dira urte batetik bestera. 2012ko kasuek banaketa topografiko zehatz bat izan zuten eta 2014ko kasuak, ordea, elikagai konkretu bati loturikoak izan dira. Lortutako datuen arabera, eta behaketa horren ostean infekzio-bide nagusia elikagai kutsatuen bidezkoa dela ohartuta, prebentzio-neurriak areagotu behar direla atzeman dugu, eta, horretarako, elikagaien inguruko heziketa egokia eta lehen mailako prebentzio-neurriak azaltzen ditugu.

Hitz gakoak: Listeria, Haurdunaldia, Prebentzioa

Listeriosis is uncommon in the general population, but it is far more frequent in pregnant women and newborns. In recent years, we have detected a significant increase in the number of cases in Gipuzkoa. In adults, the source of infection is ingested food and across the placenta to the fetus and newborn (vertical transmission). In this work, we describe the clinical and epidemiological characteristics of listeriosis cases in pregnant women and newborns in Gipuzkoa over a seven year period (2008-2014). Cases were documented by Environmental Public Service technicians and molecular analysis of samples was performed by the Microbiology Service at the DonostiaUniversitary Hospital, in order to identify different bacterial strains.They were 73 new cases of listeriosis between 2008 and 2014, with 52 of them occurring in 2012-2014. We analyzed the microbiological and clinical characteristics of these cases. We also found a 3-fold increment in the incidence of listeriosis during 2013 comparing to 10 years before (22 cases), with 9 cases in pregnant women and newborns. As this disease has no specific clinical manifestations in the mother or newborn (fever and digestive symptoms), diagnosis could be difficult if clinicians are not aware of this possibility. An early diagnosis and treatment (ampicillin) can prevent complications such as premature birth and septic abortion. In the studied population, most of the pregnant women presented fever and premature labor. In the light of our data and the finding that infected food is the main transmission route, we consider that more education regarding nutritional health can prevent the majority of cases.

Key words: Listeriosis, Pregnancy, Prevention

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea