Liburua

Softwarearen ingeniaritza: II. atala. Garapen monolitikotik hiru mailako arkitekturara bezero/zerbitzariak bisitatuz]

Egilea(k):
Jose Ramon Zubizarreta Aizpuru
ISBN:
978-84-8438-165-5
SHU:
68
Argitalpen-urtea:
2008
Gaiak:
Informatika, Ingeniaritza
Jakintza-Arloak:
Informatika
Argitaletxea:
UEU
Orrialde kopurua:
531

Aplikazioaren analistak, hiru mailako arkitektura erantsi nahi dionean eraiki nahi den aplikazio informatikoari, erabaki garrantzitsuak hartu behar ditu diseinua eta inplementazioa bideratzeko eta egokitzeko lanean ari den erakunde informatikoaren lan egiteko erara eta aplikazioak eskatzen duen konplexutasun mailara.

Hiru mailako arkitekturak inplementatu nahi direnean aplikazio informatikoetan, bi konplexutasun-geruza tratatu behar ditu informatikariak: mekanizatu nahi den domeinuaren konplexutasuna eta erabiliko den teknologiaren konplexutasuna. Konplexutasun bien maila handia denean, teknologia konplexuak erabiltzen dira arkitektura inplementatzeko, hala eskatzen baitu domeinuaren konplexutasunak.

Aplikazioaren konplexutasun maila eta erakundearen eskarmentua txikiak badira, ikuspegi prozedurala erabilita antola daiteke domeinuaren logika, Transaction Script diseinu- patroiak erabilita. Iraunkortasunaren maila antolatzeko, erakundearen eskarmentuak eta teknologia mailak sano baldintzatuko dute hautaketa. Hala nola, txikiak badira, JDBC erabili beharko du zuzenean eta gordinki, atzipenen antolaketa guztia programatzailearen eskuetan geldituz; handiak badira, aldiz, Hibernate eta iBATIS tresnek, besteak beste, nabari hobetuko dute iraunkortasunaren trataera.

Aplikazioaren osagaien inplementazioa POJO erako objektuak erabilita egiten bada, hainbat zerbitzu garrantzitsu, adibidez, transakzioak kudeatzeko zerbitzuak edota segurtasunaren kudeaketa, programatzailearen ardurapean gelditzen dira. Hala, aplikazioa malguagoa bihurtzen da eta edukiontzi leunak erabilita kudea daitezke osagaiak.

Ingurune horren ordez, EJB 3.0 espezifikazioa inplementatzen duen teknologia erabiltzen bada osagaiak eraiki eta kudeatzeko, zerbitzuen kudeaketa edukiontziak berak gauzatuko du automatikoki, ingurune trinkoagoan txertatuz osagaiak.

Sistema informatiko baten osagaiak harremanetan jarri nahi direnean beste sistema informatiko baten osagaiekin, ez da arazorik egongo, baldin bi sistemek erabiltzen dituzten plataformak eta teknologiak bateragarriak badira; zoritxarrez, sarritan, informatikaren ekosistema poliedrikoak, bateragarritasun hori hautsi egiten du, orduan zer egin? Zerbitzuetara zuzendutako arkitektura erabili arazoa konpontzeko.

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea