Liburua

Industri politika

Egilea(k):
Adrian Zelaia Ulibarri
ISBN:
978-84-8438-291-1
SHU:
33
Argitalpen-urtea:
2010
Gaiak:
Industrializazioa, Ekonomia, Industria
Jakintza-Arloak:
Ekonomia
Argitaletxea:
Orrialde kopurua:
215

Industri politikarekiko interesa berpizten ari da azken urte hauetan. Mendebaldeko industria pisu erlatiboa galduz joan den heinean, nabarmen ahuldu da industri sektoreak gizartean eta zientzia ekonomikoan izandako begirunea. Aldi berean, gero eta zailago egin zaio Ekonomiari azken mendean errealitatearekin izan duen urruntasuna murriztea.

Liburu honi hasiera emateko ordutik bertatik, «industri politika» esakunearen aldeko apustua egin dugu, azkenotan zenbait arlotan indartzen hasi diren beste batzuk baztertuz. Hori dena Ekonomia errealaren alde liburu honek egiten duen apustuarekin bat etorriz. Momentu honetan, geure herrien gizarte- eta ekonomi-etorkizuna, neurri handi batean, gure industria eta nekazaritza —baita teknologia eta zientziaren arloko gure gaitasuna ere— babesteko gai izatearekin baitago loturik.

Hainbat hamarkadatan faktore instituzionalek baldintzaturik egon diren industri politikaren alderdi batzuk —lehia babesteko politika, kanpo-merkataritza edo industriaren jabetza— aztertzeko ahalegin berezia egiten du azterlan honek. Faktore instituzional horiek nabarmen baldintzatu dituzte ekoizpen-sarea babesteko interes orokorrak eta oso modu larrian eragin dute Mendebaldeko industriaren gainbeheran.

Hau dena, gure etorkizun produktiboa berridazteko orduan funtsezkoak izan daitezkeen gai batzuk ahaztu gabe, jakina. Adibidez, sektore-politika eta, batez ere, teknologia-politika eta berrikuntza-politika. Arreta berezia eskaintzen die liburu honek.

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea