Gehitutako azken liburuen argazkiak

Azken berriak

Maria Gorosarri: “Gertakizuna ulertzeko gakoak ematen dituen argazkia behar dugu”

2022-11-09

Unibertsitate-mailako fotokazetaritzari buruzko euskarazko lehen eskuliburua argitaratu du UEUk UPV/EHUrekin koedizioan: “Fotokazetaritza. Argazkigintzaren teknika eta kazetaritzaren egitekoa”Maria Gorosarri Gonzalez UPV/EHUko fotokazetaritza irakaslea da liburuaren egilea eta argazkigintzaren alde praktikoa zein unibertsitate-mailako teoria biltzen ditu

Paule Bilbao: “Osasun mentalak ez luke pribilegio bat izan behar”

2022-10-18

Osagaiz osasun-zientzien aldizkariak ale berezia argitaratu du. Bertan Osasunaldia Osasun-zientzietako gradu amaierako lanen 2. jardunaldian aurkeztutako lanen laburpenak bildu ditu Osasungoa Euskalduntzeko Erakundeak (OEE). Tartean da Paule Bilbao Ajuriagerraren “Artean oinarritutako terapiak eta buru-nahasmenduak: berrikuspen sistematikoa” ikerlana. Psikologoa izateaz gain, musikaria ere bada Bilbao. Besteak beste, Arima taldea sortu zuen 2018an.

 

“Guk batez ere literatur kritikak jorratu ez dituen auziak harrotu nahi izan ditugu”

2022-04-13

UEUk argitaratutako “Indarkeriak dantzatzera behartzen gaituzte” liburuan Euskal Herrian bizitako gatazka armatuaren askotariko irakurketa feministak jasotzen dira. Iratxe Retolaza Gutierrezek eta Ibai Atutxa Ordeñanak editatutako liburu honetan Lorea Azpeitia Antak, Olatz Dañobeitia Ceballosek, Onintza Odriozola Irizarrek, Eider Rodriguez Martinek eta Ane Villagran Arrastoak ere parte hartu dute. Euskal Herritik eta euskal testuingurutik eginiko soziologia literatur kritikarekin elkarrizketan jarri nahi izan dute. Retolaza eta Atutxaren esanetan “60ko hamarkadatik aurrerako literaturaz orain arte egin gabeko galderak eta erantzunak topatuko dituzte irakurleek”

Argazkilaria: Klaus (Bira kulturgunea)
Ezkerretik hasita Ane Villagran, Ibai Atutxa, Iratxe Retolaza, Olatz Dañobeitia eta Lorea Azpeitia

 

Josu Martinez: “Gure zinemaren pelikula pentsa genezakeena baino dibertigarriagoa, paradoxikoagoa, eta tarteka tristeagoa da”

2022-04-04

Eibarko Udalak eta UEUk lankidetzan ematen duten Juan San Martin beka irabazi zuen Josu Martinez Martinezek 2019an eta horren emaitza da UEUrekin argitaratu duen “Irudiz eta euskaraz. Gure hizkuntzaren zinema. Gure zinemaren hizkuntza” liburua. Gizarte eta Kultur Antropologian lizentziatua da Martinez eta Ikus-entzunezko komunikazioan doktorea (UPV/EHU). Orain arte ez da idatzi euskarazko zinemaren historiarik eta aurkeztutako proiektuak hutsune hori bete nahiko luke. Irudiz eta euskaraz egin izan denaren halako kartografia zirriborro bat egin nahi izan du. Akademiara begira baino (nahiz eta akademiarentzat ere baden) euskaldungo zabalari begira.

 

Hiztegiaren arabera, buruxkak 'galburu edo garau mortsak' dira. Era berean, izenburu horixe jarri zion 1910. urtean Jean Etxepare medikuak bere idazki bildumari.

Etxepare medikua (Jean Etxepare Bidegorri, 1877-1935) euskal idazle bikaina izan zen, laikoa, europar korronte berriei irekia eta arlo zabalei hedatua: kazetaritza, literatura, filosofia, zientzia...

P. Xarriton Buruxkak eta Etxepareren beste obra batzuk zein eskutitzak argitaratzeaz arduratu da, eta berriki, K. Altonagak zientziaren historiari lotutako Etxepareren biografia bat kaleratu du.

Aitzindari hura gogoan, UEUk bere liburutegi digitalari Buruxkak izena jarri dio

HPS Babeslea
Bizkaia Babeslea
Babeslea